Rusiya Mərkəzi Bankı neft qiymətlərinin 40-45 dollar olacağı təqdirdə ölkənin fəlakətə sürüklənəcəyini açıqlayıb. MB ölkə iqtisadiyyatının 2015-ci ildə 5,8 faiz geriləyəcəyinin real olduğunu bildirib. Birinci bankın hesablamalarına görə, sanksiyalar ucbatından iqtisadi problemlər girdabında boğulan ölkənin yeganə ümid yeri neft qiymətlərinin 50-55 dollar səviyyəsində qalmasıdır.   İlkin hesablamalara görə, neftin bir barreli 50-55 dollar səviyyəsində olarsa, iqtisadiyyat cari ildə 3,5-4 faiz geriləyəcək. Bank bu senariyə görə Ural markalı neftin 2016-cı ildə 60-65 dollar, 2017-ci ildə isə 70-75 dollara qalxacağını ehtimal edir. MB hesablamalarda yanılmasa, 2016-cı ildə 1-1,6 faiz geriləmə, 2017-ci ildə isə 5,5-6,3 faiz artım reallaşa bilər.   MB son makroiqtisadi göstəricilərə görə, Rusiyanın valyuta ehtiyatlarının 2015-ci ildə əlavə olaraq 50 milyard dollar itirəcəyini proqnozlaşdırıb. Lakin neftin qiymətləri 5055 dollar səviyyəsində qalarsa, bu gedişlə 2016-cı ildə rezervlərdən istifadə dayanacaq və artım başlayacaq. 2017-ci ildə isə ehtiyat fonda 36 milyard dollar daxil olması planlaşdırılır.   Xatırladaq ki. Hazırda Brent markalı neft 54 dollara, Ural markalı neft isə 52 dollara düşüb. (Axar.az)