3 gündür ki, 20 Yanvar dairəsindən Masazıra qədər dəhşətli tıxac yaşanır. Çıxıb bir dilavər jurnalist də deyir ki, guya Bakı-Sumqayıt yolunda çatlar yaranıb. Heç elə şey yoxdur.
Xeberle.com Axar.az-a istinadən xəbər verir ki, bu sözləri millət vəkili Fəzail Ağamalı Xırdalan yolunda təmirin yaratdığı problemlərdən danışarkən deyib.
Millət vəkili ölkədə yol çəkilişi ilə bağlı nəzarətin labüd olduğunu deyib:
"Tam məsuliyyətimlə deyirəm ki, orada heç bir çat yox idi. Sadəcə, pul yemək lazım idi, ona görə də yolu sökdülər. Mən bu yaxınlarda Naxçıvanda oldum. Gedib oradan nümunə götürsünlər, yollar ən müasir standartlara cavab verir”.
Deputata cavab olaraq spiker Oqtay Əsədov bildirib ki, yollarla bağlı heç bir problem yoxdur:
"Nə olub ki, Bakının yollarına? Yollarımız çıx yaxşı inşa edilir. Sulutəpədə yaşayıram və gedib-gələndə mən də o əziyyəti çəkirəm. Problem yolun kənarında tikilən evlər ilə bağlıdır. Yolun genişləndirilməsi üçün gərək o evlər orda olmasın. İndi bu sahədə iş gedir”.
Xəbərdən istifadə edərkən istinad etmək vacibdir.
