Məlumdur ki, Mingəçevir İstilik Elektrik
Stansiyasının (İES) baş verən qəzanın yanğınla nəticələnməsi ölkə ərazisində
enerji ilə yanaşı, suyun verilməsində də problemlər yaradıb. İki gecədir davam
edən bu problem sakinlərin ciddi narahatlığına səbəb olub.
Xeberle.com olaraq məsələyə
aydınlıq gətirilməsi üçün Sumqayıt şəhər Su Kanal İdarəsinin rəis müavini
Qurban Mikayılov ilə əlaqə saxladıq. Q.Mikayılov bildirdi ki, dünən enerjinin
verilməsi yenidən məhdudlaşdırıldığı üçün şəhərin su ilə təmin olunmasında
problem yaranıb:
"Dünən enerjinin verilməsi yenidən məhdudlaşdırıldı
və bununla da şəhərin su ilə təmin olunmasında poblem yarandı. Hazırda çox ərazi
su ilə təmin olunub. Lakin 6-cı, 13-cü mikrorayonlarda və 17-ci mikrorayonda
yerləşən doqquzmərtəbəli binalarda suyun verilməsi ilə bağlı problemlər var.
Bir-iki saat ərzində onlar da su ilə təmin olunacaqlar”.
Elnarə Salamova
Xeberle.com
Xəbərdən istifadə edərkən istinad etmək vacibdir.
