Fransalı filosof Alber Kamü deyirdi ki, incəsənət iki uçurumu – təbliğat və yüngülxasiyyətliliyi balanslaşdırır.
Əgər bu ifadəni sərhədlərimizdən kənarda, xüsusən də Ukraynadakı nümayəndələrimizə tətbiq etsə, onda görərik ki, onlar tez-tez bu uçurumlardan biri olan yüngülxasiyyətliliyi seçir. Halbuki onlar burada ortaq mövqedən çıxış etməlidirlər. Dünya ictimaiyyətinə bizim mədəniyyətimiz, problemlərimiz, tariximiz haqqında məlumat verməli və ən başlıcası xaricdə yaşayan həmvətənlərimizə dəstək göstərməlidir – bax, onlar bu təbliğatla məşğul olmalıdırlar. Ukraynadakı Azərbaycan diasporu üzvləri XVIII əsir Veronadakı italyan klanları kimi bir-biri ilə döyüşməsi halında hansı dəstəkdən söhbət gedə bilər.
Axı məntiqi cəhətdən diaspor təşkilatı "bir mismara zərbə endirməlidir” və zərbələr dəqiq, razılaşdırılmış olmalıdır. Ancaq bu vəziyyətdə biz lazımı yerdə "mismarı vura” bilərik.
Bizimkilər isə çəkicləri yelləyirlər...
Ukrayna polisinin məlumatına görə, bir neçə gün əvvəl Krivoy Roq şəhərində azərbaycanlıların hüquqlarını müdafiə edən bir neçə rəsmi ictimai təşkilat qeydiyyatdan keçib.
"Onlar arasında düşmənçilik var və azərbaycanlı diaspor üzvlərinə təsir dairəsi üzərində daimi mübarizə gedir”, - Ukrayna polisindən bildirilib.
Axı bir müddət öncə, yayın əvvəlində yerli KİV-lər Ukraynadakı Azərbaycan diaspor təşkilat rəhbərlərinin barışmasından yazırdılar.
Miqrasiya və diaspor üzrə ekspert Azər Allahverənovun sözlərinə görə, Krivoy Roq şəhərində azərbaycanlı diaspor təşkilatları arasında nələrin baş verdiyini ilə bağlı mülahizə söyləmək çətindir.
"Eyni zamanda, bu, bizi narahat edən siqnaldır, çünki bu təşkilatlar bizim milli dövlətçilik maraqlarımızın müdafiəsi üçün birgə işləməlidirlər”, - müsahibimiz bildirib.
Digər ölkələrdə də eyni vəziyyətdir
Rostov vilayətində iki Azərbaycan diaspor təşkilatı fəaliyyət göstərir. Onlardan biri Ümumrusiya Azərbaycan Konqresinin Rostov regional nümayəndəliyi adlanır və bu təşkilata Şakir Allahverdiyev rəhbərlik edir. İkincisi isə, Vaqif Mustafayevin rəhbərlik etdiyi Azərbaycanlılarının Regional milli-mədəni muxtariyyəti təşkilatıdır.
Bax belə, Mustafayev və Allahverdiyev bir-biri ilə çoxdan yola getmirdilər. Keçmişdə Allahverdiyev Mustafayevi dələduzluqda ittiham etdi və sonuncuya 8 illik həbs cəzası verildi.
Və ya Moskva ətrafında Azərbaycan diasporu ilə bağlı insidenti yada salmaq olar. O zaman diasporumuzun rəhbəri Qalib Ağayev büdcədən 600 min rubl məbləğində pul vəsaitini ələ keçirməkdə ittiham olunurdu. O, Moskvaya ekskursiyaya gətirəcəyi azərbaycanlı və türk şagirdləri aldada bilmişdi.
Analoji hadisələr bir sıra Avropa ölkələrində də baş vermişdi. Eyni anda bir neçə ölkədəki nümayəndələrimiz arasında münaqişə qeydə alınmışdı. Bu münaqişələr kriminal mübahisələrə də gətirib çıxarmışdı. Ümumiyyətlə, məntiqi sual ortaya çıxır: başqa ölkədəki hansısa bir şəhərdə bir neçə fərqli diaspor təşkilatı nəyə lazımdır? Məqsəd nədir?
Siz bir-birinizə çəkic yellədiyiniz anda bədxahlar sakit və dəqiqliklə öz missiyasını yerinə yetirir. Biz başa düşürük ki, onların orada sayı çoxdur. Amma köhnə qazax atalar sözündə deyilir: "Həmrəy yüzlük pərakəndə minliyə qalib gələr”.
