Sumqayıt şəhərinin yaranmasının 65 illiyi münasibəti ilə karikaturaçı rəssam Adil Elçinin fərdi sərgisi açılıb.Sumqayıt Dövlət Rəsm Qalereyasında baş tutan tədbirdə Xalq rəssamı Arif Hüseynov, sənətşünas Ziyadxan Əliyev, "Bakılı oğlanlar" klubunun üzvü Bəhram Bağırzadə, Xalq artisti Arif Quliyev,"Kirpi jurnalının" baş rəssamı Hafiz Nəsiroğlu və başqaları çıxış edib hazırda xaricdə yaşayan rəssamın yaradıcılıq yolundan danışıaraq onun Ə.Əzimzadə yaradıcılıq məktəbinin layiqli davamçısı olduğunu diqqətə çatdırıblar. Bildirilib ki, A.Elçin sərrast karikaturaları ilə yanaşı, kitab illüstrasiyaları, təbliği plakatları, teatr tamaşalarına verdiyi bədii tərtibatları ilə də tanınıb. Karikaturaçının əsərləri Azərbaycan nəşrlərində, keçmiş Sovet məkanının bütün satirik jurnallarında, o cümlədən "Krokodil "jurnalı, "İzvestiya","Komsomolskaya pravda" qəzetlərində və s. mətbu orqanlarında çap olunub.Fərdi sərgi üç gün davam edəcək.(salamnews.org)