Bu gün - 24 dekabr tarixində Sumqayıt şəhərinin 36-cı məhəlləsində növbəti Nümunəvi məhəllənin açılışı keçirilib. Açılışdan sonra vətəndaşlarla "Açıq mikrofon” dialoqu təşkil edilib. Tədbirdə şəhər rəhbərliyi, idarə, müəssisə rəhbərləri, ictimaiyyət nümayəndələri və mikrorayon sakinləri iştirak edib. Nümunəvi məhəllədə yeni müasir standartlara cavab verən futbol meydançası və uşaq meydançası tikilib. Ərazidə müasir işıqlandırma sistemi quraşdırılıb, qazonlar salınıb, daxili yolların asfalt örtüyü yenilənib.

Açılış mərasimindən sonra təşkil olunan "Açıq mikrofon”da məhəllə sakinləri ökədə və şəhərdə aparılan abadlıq-quruculuq işlərinə görə ölkə başçısına minnətdarlıqlarını bildiriblər və Prezidenti doğum günü münasibətilə təbrik edərək ən xoş arzularını çatdırıblar. Minlərlə insanın iştirak etdiyi tədbirdə sakinlər Sumqayıt şəhər rəhbərliyinə onları maraqlandıran bir çox suallar ünvanlayıb, təkliflər verib və problemlər qaldırıblar. Qaldırılan məsələlərin bəziləri yerindəcə həll edilib, digər problemlərlə bağlı şəhər rəhbərliyi tərəfindən aidiyyəti qurumlara müvafiq tapşırıqlar verilib.

Tədbir konsert proqramı ilə başa çatıb.

Xeberle.com

 

Xəbərdən istifadə edərkən istinad etmək vacibdir.