Azərbaycan Respublikası Əmək və Əhalinin Sosial Müdafiəsi Nazirliyinin Sumqayıt şəhər 7 saylı region üzrə Dövlət Əmək Müfəttişliyi başa çatmaqda olan cari 2014-cü ilin 11 ayının hesabatını hazırlayıb.

Xeberle.com həmin hesabatı təqdim edir:

1. (11 iş) 72000 manat - əmək müqaviləsinin bağlanmamsınına (maddə 31.1);

2. (7 iş) 6000 manat - əməkhaqqının ödənilməməsinə görə (maddə 53.4);

3. (4 iş) 5200 manat - işçiyə əmək məzuniyyətinə görə kompensasiyanın ödənilməməsinə görə (maddə 53.5);

4. (85 iş) 44650 manat - əmək kitabçasının açılmamasına görə (maddə 53.7);

5. (1 iş) 1000 manat – işçilərə müəyyən edilmiş müddətlərdə və tələb olunan çeşidlərdə pulsuz xüsusi geyim verilməməsinə görə (maddə 54.0.6);

6. (1 iş) 700 manat – Sağlam və təhlükəsiz əməyin mühafizəsi şəraitinin təmin edilməməsi (maddə 55);

7. (20 iş) 24000 manat – icbari sığorta müqaviləsinin bağlanmaması (maddə 253.1.2);

8. (15 iş) 17500 manat – verilən göstərişin yerinə yetirilməməsinə görə (maddə 318.1) görə cərimə edilib.

958 nəfər ilə icbari sığorta müqaviləsinin, 356 nəfər ilə əmək müqaviləsinin bağlanılması təmin edilib.

Ümumilikdə ilin 11 ayı ərzində qurum tərəfindən müxtəlif hallar üzrə 171050 manat cərimə tətbiq edilib.

Xatırladaq ki, bunlar yeni rəhbərliyin təxminən birillik fəaliyyəti müddətində baş verib. Müqayisə üçün əvvəlki illərə nəzə saldıqda, 2011-ci ildə cəmi 5000 manat, 2012-ci ildə 3620 manat, 2013-cü ildə isə 8000 manat cərimə edilib.

Xeberle.com