Sumqayıtın 65 illik yubileyi münasibətilə Səməd Vurğun adına Mərkəzi kitabxananın əməkdaşları "Mədəni inkişaf yolunda” adlı biblioqrafik göstərici tərtib ediblər. Oxuculara təqdim edilən yeni biblioqrafik göstərici tamamilə təkmilləşdirilib, əlavələr edilib. Bu vəsait vasitəsilə oxucular Sumqayıt mədəniyyətinin bütün sahələrini əhatə edən ədəbiyyatlarla tanış ola bilərlər. Vəsaitdə Sumqayıt mədəniyyətinin bütün sahələrini əhatə edən kitab və dövri mətbuat materialları toplanıb. Biblioqrafik göstəricinin redaktoru Səməd Vurğun adına Mərkəzi kitabxananın direktoru Yeganə Əhmədovadır. Tərtibçiləri isə kitabxananın əməkdaşları Rəna Həsənova, Nazxanım Cəfərova və Mətanət Əliyevadır.

Biblioqrafik göstərici 10 bölmə və 36 yarımbölmədən ibarətdir. 1101 adda ədəbiyyatı özündə əks etdirən vəsait geniış oxucu kütləsi üçün nəzərdə tutulub.

Xatırladaq ki, ilk belə biblioqrafik göstərici şəhərimizin 60 illik yubileyi münasibətilə 2009-ci ildə hazırlanıb.

Xeberle.com