Mətanəd Əhməd adlı Sumqayıt sakini Sosial Müdafiə Fondunun Sumqayıt Şəhər Şöbəsində xidmətlərdən ciddi narazılığını bildirir. Onun Xeberle.com portalına etdiyi şikayətini olduğu kimi diqqətinizə çatdırırıq.

"Mən bir Azərbaycan vətəndaşı olaraq Sosial Müdafiə Fondunun Sumqayıt Şəhər Şöbəsində xidmətlərdən ciddi narazıyam. Həmin idarədə Sosial sığorta haqqları üzrə hesabatların elektron qaydada təqdim edilməsinə "Yardım masası” var. Amma o masada bir adam tapmırsan ki, vətəndaşa yardım göstərsin, köməklik etsin, izah etsin nəyi necə eləmək lazımdır. Bu, yeni sistemdir və heç kim bunu anadangəlmə bilə bilməz axı. Bir başa salan da yoxdur. Belə baxanda görüntü olaraq "Yardım masası” təşkil ediblər, amma faktiki olaraq heç kim orada oturmayıb və köməklik edən yoxdur. O boyda idarədə bircə nəfər var ki, adamla adam kimi danışır və istiqamət verir. Vəssalam. O da heç mənim kuratorum-falan deyil. Bəlkə də kuratorun bilsə ki, kimsə başqası mənə kömək edib hələ narazılıq da edər.
Sosial Müdafiə Fondunun Sumqayıt Şəhər Şöbəsində həm də şahidi oldum ki, ilin əvvəlidir deyə bütün qoca-ahıllar, pensiyaçılar gəlir və hərəsindən 1-2 manat alınır ki, həqiqətən sağdırlar və ölməyiblər, bu il də pensiya alacaqlar. Heç bir qəbz-falan da verilmir ki, bu pul nəyə görə alınır.
Amma, missal üçün, Vergilər idarəsinə gedirsən, elə yaxşı qarşılayırlar. İzah edirlər, başa salırlar və hamisi da təmənnasız.”

Məsələylə bağlı qarşı tərəfin də də mövqeyini işıqlandırmağa hazırıq