Sumqayıt Dövlət Dram Teatrında görkəmli rejissor Rövşən Almuradlının anım günü keçirilib.
Öncə böyük sənətkarın xatirəsi bir dəqiqəlik sükutla yad edilib.
Teatrın direktor müavini, Əməkdar artist Vidadi Məmmədov ,baş rejissor, Xalq artisti, Prezident mükafatçısı, Qızıl Dərviş mükafatı laureatı Firudin Məhərrəmov, Xalq artisti Məzahir Süleymanov, Əməkdar artistlər İzaməddin Bağırov, Nazir Rüstəmov ,teatrşünas Vaqif Rəsuloğlu, aktyorlar İlqar İbrahımov, Dağlar Rüstəmov, rejissor Sevindik Rəsulov və başqaları çıxışlarında Rövşən Almuradlının yaradıcılıq xüsusiyyətlərindən,ədəbi mətnlə və aktyorla iş metodundan, mübarizliyindən, naqisliklərlə barışmaz mövqeyindən söz açıblar. Ərsəyə gətirdiyi tamaşa və filmlərin kontekstində onun sənətkar məninə işıq salınıb.
Ekranda rejissorun düşüncələrini, yaradıcılıq mövqeyini əks etdirən çarx nümayiş olunub
Sonda unudulmaz rejissorun oğlu Kamal Almuradlı ailəsi adından anım gününün təşkilatçılarına minnətdarlıq edib, atasının Sumqayıt teatrı ilə bağlı xatirələrini bölüşüb.
Xəbərdən istifadə edərkən istinad etmək vacibdir.
