Sumqayıt Regional Mədəniyyət İdarəsinin rəhbərliyində dəyişiklik olub.
Xeberle.com-un əldə etdiyi məlumata görə, Mədəniyyət naziri Adil Kərimlinin əmri ilə Sumqayıt Regional Mədəniyyət İdarəsinin rəisi Rəşad Əliyev tutduğu vəzifədən azad olunaraq yeni yaradılan Şərqi Zəngəzur Regional Mədəniyyət İdarəsinə rəis təyin olunub.
Digər əmrlə isə Sabirabad Regional Mədəniyyət İdarəsinin rəisi Fərid Qurbanzadə Sumqayıt Regional Mədəniyyət İdarəsinin rəisi təyin olunub.
Qeyd edək ki, Fərid Qurbanzadə 1981-ci ildə İmişli rayonunda anadan olub. 2001-ci ildə Bakı Dövlət Universitetini "Tarix”, 2012-ci ildə Azərbaycan Respublikası Prezidenti yanında Dövlət İdarəçilik Akademiyasını "Dövlət və Bələdiyyə idarəetməsi” ixtisasları üzrə bitirib.
2015-ci ildə Azərbaycan Respublikası Prezidentinin Sərəncamı ilə "Dövlət qulluğunda fərqlənməyə görə” medalı ilə təltif edilib.
2021-ci ilin fevralın 16-dan son təyinata qədər Sabirabad Regional Mədəniyyət İdarəsinin rəisi vəzifəsində çalışıb.
Bu gün yeni rəisin kollektivə təqdim ediləcəyi gözlənilir.
Türkel Soytürk
Xəbərdən istifadə edərkən istinad etmək vacibdir.
