Bildiyimiz kimi, 10 mart tarixi ölkəmizdə Milli Teatr günü olaraq qeyd edilir.
Azərbaycan teatr sənəti öz kökünü kütləvi xalq oyunlarından, xalqın idrakının təkamül mərhələsini göstərən meydan tamaşalarından, el-oba şənliklərinin estetik prinsiplərindən götürüb.
Teatr mənəvi-əxlaqi dəyərlərə, bədii-estetik zövqün formalaşmasına, tarixi-mədəni irsin təbliğinə xidmət edib.
Bu münasibətlə Sumqayıt Dövlət Dram Teatrı tərəfindən maraqlı video-çarx hazırlanıb. Videoda xalq artistləri, əməkdar artistlər və digər aktyorlar teatr barədə fərqli sitat və fikirlərini bölüşüblər.
Xeberle.com saytı adından başda Sumqayıt Dövlət Dram Teatrının kollektivi olmaqla bütün sənət adamlarını Milli Teatr günü münasibətilə təbrik edir, yeni, maraqlı tamaşalar arzulayırıq.
Xəbərdən istifadə edərkən istinad etmək vacibdir.
