Sumqayıt şəhər Mədəniyyət və Turizm İdarəsi əhalinin asudə vaxtının səmərəli keçirməsi məqsədilə silsilə konsertlərə start verir. Bu məqsədlə ilk belə konsert Nəsimi adına Mədəniyyət və İstirahət Parkının Yay estradasında təşkil edilib. Konsertdə Vadim Cavadın rəhbərlik etdiyi "Səmt” qrupu çıxış edib. Gitara və klavişdə Vadim Cavadın, klavişdə Nigar Məmmədova, vokal Taleh Rəsulzadə, vokal Nərgiz Tahirova, bas gitarist Rüstəm Nağdıyev, barabanda Aydın Ağamalıyev və ritm gitarist Elnur Əliyevdən ibarət olan qrupun təqdim etdiyi rəngarəng musiqi nömrələri şəhərimizin sakinləri tərəfindən böyük maraqla izlənilib. Şəhər sakinlərinin zövqünü oxşayan səsləndirilən musiqilər coşqu ilə qarşılanıb. Sumqayıtlılar bu kimi tədbirlərin keçirilməsini müsbət qiymətləndiriblər.

Xatırladaq ki, "Səmt” qrupu 2009-cu ilin may ayından fəaliyyət göstərir. Qrup "Söylə dostum”, "Duymuram”, "Yol ayrıcıları” mahnıları ilə tanınıb.

Xeberle.com

Fotoların müəllifi Kamran Kazımzadədir.