"Bakı-2015” birinci Avropa Oyunlarının açılış mərasimində ümummilli lider Heydər Əliyevin müdrikcəsinə söylədiyi «Azərbaycan dünyaya günəş kimi doğacaq» fikri həqiqətə çevrildi. Azərbaycan haqqında Avropa, dünya hələ çox danışacaq. Bəli, Azərbaycan Avropaya, dünyaya xüsusilə də Ermənistana "Bakı-2015” birinci Avropa Oyunlarının açılış mərasimində mesajlarını verdi. Açılışın ən maraqlı və yaddaqalan hissəsi isə səhnənin parçlanıb, dağa çevrilməsi, səhnədə gölün, göy çəmənliyin yaranması və çatlarda od vasitəsi ilə insan obrazının yaranması idi. Allahın torpaqdan yaratdığı o insan, Odlar Yurdunun övladının təcəssümü kimi yaddaşlara həkk olundu. Dahi Üzeyir Hacıbəyovun "Koroğlu" operasının uvertürası, Tofiq Quliyevin "Vals"ı, Qara Qarayevin "Yeddi gözəl"inin valsı, "Sarı gəlin" xalq mahnısı musiqi sənətimizin zəngin və dərinliyini əks etdirdi. Balaban, nağara, Azərbaycanın Dövlət Bayrağı, Azərbaycan Dövlət Himni, Qarabağ şikəstəsi, Yallı, Nizami Gəncəvi, Qobustan, Uçan xalça, Azərbaycan Tarixi, Mədəniyyəti, İncəsənəti burada mükəmməl şəkildə dünyaya təbliğ edildi. Bu xüsusilə də xalq mahnısı "Sarı gəlin"imizin, "balaban"ımızın onların olduğunu zənn edən ermənilərə, "Nizami fars şairidir" deyənlərə dərs və vurulmuş zərbə idi. "Sarı gəlin"in balabanda ifası xüsusi məna daşıyırdı. Xarici telekanalların şərhçilərinin mahnının Azərbaycan musiqisinin ən qədim və məşhur nümunəsi olduğunu dünyaya çatdırmaları o bədxahlara çox şey deyirdi. Bütün bunlarla Azərbaycan bir daha müstəqil və güclü dövlət olduğunu sübut etdi. Bu gün əldə etdiyimiz bütün bu uğurların başında cənab İlham Əliyev kimi Güclü Liderimiz, Güclü Siyasətçimiz, hər zaman onun yanında olan Azərbaycan xalqı üçün misilsiz xidmətləri olan, Azərbaycan Xalqının mədəniyyətini, muğamını, qədim tarixi köklərə əsaslanan adət-ənənələrini bütün dünyada yüksək şəkildə təmsil və təbliğ edən Azərbaycanın birinci xanımı Mehriban Əliyeva, Azərbaycan Xalqı və Güclü Dövlətimiz var. "Bakı - 2015" Birinci Avropa Oyunlarının ölkəmizdə təşkili bir daha bəyan edir ki, Azərbaycan müstəqil, güclü dövlətdir, Azərbaycan demokratiya və insan hüquqları sahəsində üzərinə götürdüyü bütün beynəlxalq öhdəlikləri layiqincə yerinə yetirir. Ölkəmiz vətəndaş cəmiyyətinin inkişafı, söz və mətbuat azadlığının səviyyəsinə görə keçmiş sovet respublikaları içərisində qabaqcıl mövqedə durur və bir çox ölkələrə nümunə ola bilər. Fəxr edirəm ki, Azərbaycanlıyam. I am proud I am from Azerbaijan! İnanıram ki, Ali Baş Komandan İlham Əliyev tezliklə Azərbaycan bayrağını Qarabağda dalğalandıracaq və belə möhtəşəm tədbiri Qarabağda keçirəcəyik!!!
Bəxtiyar Rəhimov,
Azərbaycan Dövlət Neft Akademiyasının doktorantı
Xeberle.com