Sumqayıt şəhər Mədəniyyət və Turizm İdarəsi əhalinin asudə vaxtının səmərəli keçirməsi məqsədilə silsilə konsertləri davam etdirir. Bu məqsədlə növbəti belə konsert Nəsimi adına Mədəniyyət və İstirahət Parkının Yaşıl teatrında təşkil edilib.

Konsertdə Nəriman Nərimanov adına Mədəniyyət Evində fəaliyyət göstərən "Rövşən” ritm qrupu "Ritm bir dünyadır” adlı proqramla çıxış edib. Konsertdə Rövşən Cabbarovun rəhbərlik etdiyi qrupun təqdim etdiyi rəngarəng musiqi nömrələri şəhərimizin sakinləri tərəfindən böyük maraqla izlənilib. Şəhər sakinlərinin zövqünü oxşayan səsləndirilən musiqilər coşqu ilə qarşılanıb.

Konsertdə həmçinin aşıq Elməddin Məmmədli, "Avroiviziya” mahnı yarışmasının seçim turunun iştirakçısı Ramin Quliyev, Türkiyənin "O səs Türkiyə” mahnı yarışmasının iştirakçıları Varis və Ceyhun Əkbərov qardaşları, eləcə də gənc muğam ifaçısı Şamo Qədirov çıxış ediblər.

Sumqayıtlılar bu kimi tədbirlərin keçirilməsini müsbət qiymətləndiriblər.

Məlumat üçün bildirək ki, "Rövşən” ritm qrupu iyunun 23-də Rusiya Federasiyasının Tolyatti şəhərində keçirləcək Beynəlxaql Ritm festivalında iştirak edəcək.

Xeberle.com

Fotolar Kamran Kazımzadənindir.