Bu gün Sumqayıt şəhər Mədəniyyət və Turizm idarəsində mədəniyyət müəssisələrinin rəhbərlərinin iştirakı ilə müşavirə keçirilib.
Müşavirədə mədəniyyət müəssisələrinin fəaliyyəti müzakirə edilmişdir. Mədəniyyət və Turizm idarəsinin rəisi Mehman Şükürov çıxış edərək fəaliyyətindən narazı olduğu müəssisələrə iradlarını bildirmiş, problemlərin tez bir zamanda həlli istiqamətində müəyyən tapşırıqlar vermişdir. O, çıxışı zamanı fəaliyyətindən razı qaldığı müəssisələr haqqında da fikrini bildirərək, xüsusilə Q.Qarayev adına Uşaq Musiqi məktəbinin, Bülbül adına Uşaq incəsənət məktəbinin və S.Vurğun adına Mərkəzi kitabxana başda olmaqla şəhər kitabxanalının fəaliyyətindən razılığını bildirib.
Mehman Şükürov çıxışı zamanı Ə.Kərim adına Poeziya klubu və AYB Sumqayıt bölməsinin birgə fəaliyyətinin, mədəniyyət müəssisələrinin QHT-lərlə əlaqəsinin vacibliyini vurğulayaraq bununla əlaqədar təkliflərini verib.
Eyni zamanda müşavirədə müsabiqələrin, konkursların təşkili, mədəniyyət müəssisələrinin bədii rəhbərləri ilə, sumayıtlı rəssamlarla görüş və s. məsələlər müzakirə edilib.