Sumqayıt Mərkəzi uşaq kitabxanasında milli musiqi sənətimizin görkəmli simalarından biri Rəşid Behbudovun 100 illik yubileyinə həsr olunmuş ”Dünyaya və zamana sığmayan səs” adlı tədbir keçirilib.Dahi sənətkarın ifasında "Tələsin, insanlar” mahnısının səslənməsi ilə başlayan tədbiri  giriş sözü ilə açan kitabxananın multimedia mütəxəssisi Leyla Məmmədli Rəşid Behbudovun  həyat və yaradıcılıq yolu haqqında söhbət açıb.Tədbirin bədii hissəsi görkəmli sənətkarın həyat və fəaliyyətindən bəhs edən slaydın nümayişi, müğənninin ifaları olan videogörüntülər ilə davam etdirilib.18 saylı məktəbin şagirdlərindən Ramazan Əsgərov M.Dilbazinin "Oxu, Rəşid”, Çinarə Gülmməmədova və Səbinə Nuriyeva Oqtay Şamilin "Arşınmalçı”, Aynurə Əliyeva Həmid Abbasın "Sənət meydanının Rəşidi getdi” şeirlərini söyləyiblər. Q.Qarayev adına 1 saylı uşaq musiqi məktəbinin şagirdləri Ramil Əfəndiyev və Kənan Muradovun tarda, Səid Kərimovun fleytada ifası rədbir iştirakçıları tərəfindən maraqla dinlənilib.Sonda Q.Qarayev adına uşaq mudiqi məktəbibin müəllimlərindən ibarət trionun müşayiəti ilə Fəqan Sükürlü və İlkin Nəcəfli Rəşid Behbudovun repertuarında olan mahnılardan ibarət musiqi proqramı ilə çıxış ediblər.