Bu gün Bülbül adına uşaq incəsənət məktəbində general Cəmşid Naxçıvanskinin 120 illik yubileyi münasibətilə tədbir keçirilib. Sumqayıt şəhər

Mədəniyyət və Turizm İdarəsinin mətbuat xidmətindən Xeberle.com-a verilən məlumata görə, tədbirdə görkəmli sərkərdənin həyatı və fəaliyyəti haqqında geniş məruzə edilib. Daha sonra məktəbin müəllim və şagird kollektivlərinin ifasında konsert proqramı təqdim edilib.

Konsertdə məktəbin fortepiano, nağaraçalanlar, skripkaçlar ansambllarının, rəqs və xor kollektivlərinin uğurlu çıxışı tamaşaçılar tərəfindən maraqla qarşılanıb.

Konsertdə həmçinin, şagirdlərin ifasında muğam və təsniflər, eləcə də, Azərbaycan və xarici ölkə bəstəkarlarının əsərlərindən ibarət solo ifalar da dinlənilib.