Mərkəzi uşaq kitabxanasında torpaqlarımızın azadlığı və ərazi bütövlüyü uğrunda şəhid olmuş qəhrəman soydaşlarımızın həyat və döyüş yolunun təbliği məqsədilə yanvar ayında anadan olmuş milli qəhrəmanlar Mehdi Abbasovun, Mətləb Quliyevin, Rövşən Abdullayevin, Fəxrəddin Şahbazovun əziz xatirəsinə həsr edilmiş "Vətən deyən oğullar” adlı xatirə günü keçirilib. Xeberle.com məlumat verir ki, tədbir Vətən uğrunda canlarını fəda etmiş bütün şəhidlərimizin əziz xatirəsinin bir dəqiqəlik sükutla yad edilməsi ilə başlanıb. Daha sonra oxuculara adlaı çəkilən milli qəhrəmanların həyat və döyüş yolu haqqında məlumat verilib, video-çarx nümayiş etdirilib, oxucuların ifasında vətənpərvərlik və qəhrəmanlıq mövzusunda şeirlər dinlənilib. Tədbirdə kitabxananın multmedia mütəxəssisi Leyla Məmmədli çıxış edərək oxuculara tariximizə, qəhrəmanlarımıza qarşı unutqan olmamağı tövsiyə edib, Vətənə, bayrağa sevgi, məğrurluq, əzmkarlıq, cəsarət hissinin önəmli olduğunu vurğulayıb. Sonda kitabxanaçı Qənimə Baxışova "Qəhrəmanlıq zirvəsinə ucalanlar” adlı sərgidə nümayiş etdirilən kitablar haqqında xülasə verdi.
Xeberle.com