Sumqayıt Dövlət Dram Teatrının təmirdən çıxacağı vaxt məlum olub. Belə ki, Sumqayıtda 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağında tetarın aprel ayının sonuna tam təmirli vəziyyətdə təhvil veriləcəyi söylənilib. Qeyd olunub ki, ulu öndər Heydər Əliyevin doğum günü ilə əlaqədar tədbir məhz teatrda keçiriləcək.
Teatrın təmiri məsələsi ilə bağlı Azərbaycan Prezident Administrasiyası rəhbərinin müavini, Regional idarəetmə və yerli özünüidarəetmə orqanları ilə iş şöbəsinin müdiri Zeynal Nağdəliyev də öz fikrini bildirib: "Müxtəlif dövrlərdə teatr təmir olunsa da, dam örtüyü ümumiyyətlə dəyşdirilməyib. Sumqayıt teatrının hal-hazırda əsaslı təmir olunması mədəniyyətə olan qayğının göstəricisidir", - sitatın sonu.
Xatırladaq ki, Sumqayıt teatrı yanvarın əvvəlindən əsaslı təmirə dayanıb.
Xeberle.com
Xəbərdən istifadə edərkən istinad etmək vacibdir.
