Sumqayıt şəhər Mədəniyyət və Turizm idarəsinin mətbuat xidmətindən xeberle.com-a verilən məlumata görə S.Vurğun adına Mərkəzi kitabxananın uşaq şöbəsi "Qəhrəmanlarımızı tanıdaq” adlı tədbir keçirib. Tədbir fevral ayında anadan olmuş Milli Qəhrəmanlarımıza həsr edilib. Azərbaycan Respublikasının Dövlət Himninin ifası ilə başlanan tədbirdə Mübariz İbrahimov, Bəylər Ağayev, və Təbriz Xəlilbəylinin həyatı və fəaliyyətindən, onların keçdiyi döyüş yolundan söhbət açılıb. Daha sonra Azərbaycanın Milli Qəhrəmanı Mübariz İbrahimovun həyat və döyüş yolunu əks etdirən video çarx nümayiş olunub.  Sonda kitabxanaçı Zibeydə Məmmədova mövzu ilə əlaqədar tərtib olunmuş kitab sərgisində nümayiş olunan ədəbiyyatlar haqqında oxuculara məlumat verib, uşaq şöbəsi tərəfindən tərtib olunan tövsiyə ədəbiyyat siyahısı ilə onları  tanış edib.