Sumqayıt Dövlət Dram Teatrı fevral ayının 16 günü ərzində 7 tamaşa göstərəcək.
Teatrın mətbuat xidmətindən Xeberle.com-a bildirilib ki, ayın 13-də tamaşaçılara S.S.Axundovun "Qaraca qız” əsəri əsasında Əməkdar artist Firudun Məhərrəmovun quruluşunda eyniadlı tamaşa təqdim ediləcək.
Əziz Nesinin "Öldür məni...” əsəri fevralın 17-də göstəriləcək. Rejissor Vasif Məmmədovun hazırladığı "Şahzadə və bacatəmizləyən” (Leonid Juxovitski) tamaşasını teatrsevərlər ayın 21-də, rejissor Namis Şirməmmədovun quruluş verdiyi "Köhnə ev” (Əli Əmirov) səhnə əsərini isə tamaşaçılar fevralın 24-də izləyə biləcəklər.Fevralın 25-də Əli Əmirlinin "İyirmi ildən sonra”, 27-də Hüseynbala Mirələmovun "Vicdanın hökmü” əsəri nümayiş olunacaq.
Ayın son tamaşası olan "Hacı Qara” fevralın 29-da göstəriləcək (rejissor Firudin Məhərrəmov).
Xatırladaq ki, gündüz tamaşaları saat 10:00 və 12:00-da, axşam tamaşaları isə 18:00-da başlayır.
Qeyd edək ki, teatrın binasında gedən əsaslı təmir işləri ilə bağlı azyaşlılar üçün nəzərdə tutulan tamaşalar  "Nizami" kino-teatrında, axşam tamaşaları isə Nəriman Nərimanov adına Mədəniyyət Mərkəzində oynanılacaq. 

Fevral ayının repertuarı