Bu gün Sumqayıt şəhər N.Nərimanov adına mədəniyyət mərkəzində "Gənclik” diyarşünaslıq  klubunun özfəaliyyət kollektivinin hesabat konserti keçirilib.

Konsertdə "Gənclik” instrumental ansamblın və gənc solistlər Şəbnəm Xanməmmədova, Mahir Mehdiyev, Leyla Məmmədova, Vilayət Rəhimov, Asəf Abdullayev, Samir Şirvaninin ifasında xalq və bəstəkar mahnıları tamaşaçılar tərəfindən alqışlarla qarşılanıb.

 İlham Həsənovun ifasında səslənən şeirlər tədbiri daha da rövnəqləndirib. 

Sumqayıt şəhər Mədəniyyət və Turizm idarəsinin rəisi Mehman Şükürov tədbirdə iştirak edib və istirahət günü şəhər sakinlərinə bəxş etdiyi xoş ovqata görə kollektivə təşəkkür edib. O bildirib ki, bu cür tədbirlərin keçirilməsi istedadlı gənclərin üzə çıxarılmasında və mədəniyyət sahəsinə əhalinin marağının cəlb olunmasında mühüm rol oynayır. Artıq biz gördük ki, bu kollektivdə nə qədər gözəl səsi olan gənclər var. Qarşıda bizi şəhər səviyyəli hesabat konsertləri gözləyir. Biz öz cərgələrimizə istedadı, bacarığı olan gəncləri toplamalı, onlara dəstək olmalıyıq. Bu bizim mədəniyyət işçisi olaraq ən ümdə vəzifəmizdir. 

İdarə rəisi kollektivi uğurlu çıxışına görə təbrik edib və bundan sonrakı fəaliyyətlərində müvəffəqiyyət arzulayıb.
Sumqayıt şəhər

Mədəniyyət və Turizm idarəsinin mətbuat xidməti