Sumqayıt Dövlət Dram Teatrı zəngin repertuarı ilə hər zaman müxtəlif yaş qrupuna mənsub tamaşaçıların diqqətini çəkə bilib. Mədəniyyət və Turizm Nazirliyindən SİA-ya verilən xəbərə görə, aprel ayında da bu ənənəyə sadiq qalan Sumqayıt teatrı səhnə ustalarının ifasında "Öldür məni, can-ciyər” komediyasını, "Qaraca qız”, "Cəsurlar” uşaq tamaşalarını təqdim edəcək.

Qeyd edək ki, teatr binasında gedən əsaslı təmirlə əlaqədar olaraq, "Qaraca qız” tamaşası Sumqayıt şəhər Mədəniyyət evində, "Öldür məni can-ciyər” tamaşası isə N.Nərimanov adına Mədəniyyət Evində nümayiş olunacaq.