Sumqayıtda Şəhər Mədəniyyət evi C.Cabbarlı adına Mədəniyyət evi ilə birgə gənclər arasında vətənpərvərlik ruhunun aşılanması məqsədilə "Şanlı güclü ordumuz” adlı tədbir keçirib. Sumqayıt şəhər Mədəniyyət və Turizm idarəsinin mətbuat xidmətindən Xeberle.com-a verilən məlumata görə, Şəhər Mədəniyyət evində baş tutan tədbirdə şair Əşrəf Veysəlli, yazıçı Almaz Əliyeva, Gözdən Əlillər Cəmiyyəti Sumqayıt bölməsinin sədr müavini İlham Səməd, "Təhsil yollarında” beynəlxalq ictimai siyasi hüquq qəzetinin baş redaktoru Elman Nurəddin oğlu, Sumqayıt Dövlət Rəsm Qalereyasının direktoru Ellada Həsənova və başqaları iştirak ediblər.

Onlar öz çıxışlarında vətənin ərazi bütövlüyü uğrunda canlarını fəda etmiş əsgər və zabitlərimizin fədakarlığından söz açaraq bildiriblər ki, Azərbaycan xalqı onları heç zaman unutmayacaq və o igidlərin qisası mütləq alınacaq, torpaqlarımız məhz ordumuzun cəsur əsgər və zabitlərinin sayəsində işğaldan azad olunacaq.

Müğənnilər Allahverdi Xəyal, Pənah Məmmədov,Günay Sadıqovanın ifasında vətənpərvər ruhlu mahnılar, eləcədə də meyxanaçılar Məhəmməd Fəda, Elnur Ağdamlının ifasında "Əsgər marşı” tədbirdə xüsusi ovqat yaradıb.

Qeyd edək ki, tədbirdə hər iki mədəniyyət evinin rəsm dərnəyi üzvlərinin vətəpərvərlik mövzusunda çəkdikləri rəsm əsərləri, o cümlədən, 4 saylı Gənclər kitabxanası tərəfindən təşkil edilmiş "Qəhrəmanlıq zirvəsinə ucalanlar” adlı kitab sərgisi nümayiş olunub.