Sumqayıtın mədəniyyət müəssisələrində vətənpərvərlik mövzusunda keçirilən tədbirlər davam edir.
Sumqayıt şəhər Mədəniyyət və Turizm idarəsinin mətbuat xidmətindən Xeberle.com-a verilən məlumata görə, növbəti belə tədbir Sumqayıt şəhəri F.Əmirov adına uşaq musiqi məktəbində keçirilib. "Qələbə marşını çal igid əsgər” adlı tədbir
Azərbaycan Respublikasının Dövlət Himninin səslənməsi ilə başlayıb. Sonra vətən uğrunda canından keçən şəhidlərin ruhu bir dəqiqəlik sükutla yad edilib.
Tədbirdə məktəbin müəllim və şagird kollektivi vətənpərvərlik mövzusunda mahnılar və şerlər ifa ediblər.
Məlahət Hüseynovanın Segah təsnifini, simli alətlərdən ibarət kvartet M. Tarverdiyevin "Naktürn”ü, Skripka ixtisası üzrə VII sinif şagirdi Aytən Abbasova Sevil Əliyevanın "Ana” mahnısı, məktəbin xormeysteri Umleyla Xudiyevanın rəhbərliyi altında xor kollektivi F. Əmirovun "Qarabaq” mahnısınını təqdim ediblər.
Xəbərdən istifadə edərkən istinad etmək vacibdir.
