Sumqayıt şəhər mədəniyyət evləri və klub müəssisələrinin hesabat konsertləri keçirilib. C.Cabbarlı adına mədəniyyət evində baş tutan hesabat konsertində mədəniyyət evinin özfəaliyyət kollektivlərinin çıxışı dinlənilib.
Sumqayıt şəhər Mədəniyyət və Turizm idarəsinin Mətbuat xidmətindən verilən məlumata görə konsertdə solistlər Pənah Məmmədov, Raqib Əliyev, Vüsal İsgəndərovun çıxışı, eyni zamanda "Gənclik” ansamblının ifasında instrumental musiqilər və "Turan” rəqs kollektivinin ifasında Azərbaycan rəqsləri tədbir iştirakçıları tərəfindən alqışlarla qarşılanıb.