"Potensial" Sumqayıt Mütəxəssislər Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi "Sumqayıt şəhərinin orta ümumtəhsil məktəblərində "Ətraf mühiti öyrənirəm” mövzusunda maarifləndirmə tədbirlərin təşkili” layihəsi çərçivəsində "Ətraf mühiti öyrənirəm” mövzusunda keçirilən rəsm müsabiqəsinin qaliblərinin rəsmlərinin sərgisi və onların  mükafatlandırılması keçirilib.

Bu gün Sumqayıt Rəsm Qalereyasında layihə çərçivəsində ilk fəaliyyət olaraq  Sumqayıt şəhərinin 25 orta ümumtəhsil məktəbində uşaqlarda ətraf mühit və canlı təbiət haqqında təfəkkürün və estetik zövqün formalaşmasına xidmət edən "Ətraf mühiti öyrənirəm”  mövzusunda rəsm müsabiqəsi keçirilib. Müsabiqəyə məktəblilər 86 rəsm əsəri təqdim ediblər. İlkin seçim edildikdən sonra münsiflər tərəfindən 23 rəsm secilib. Onlardan 17 rəsm müəllifi fərqləndiyinə görə təltif  edilib. 3 nəfər III yerə, 2 nəfər II yerə və 1 nəfər isə I yerə layiq görülüb.

 Qaliblərə hədiyyələr və fəxri fərmanlar təqdim edilib

Qaliblərə hədiyyələri "Potensial” Sumqayıt Mütəxəssislər Birliyinin sədri Sahib Fərzəliyev, Sumqayıt şəhərinin baş rəssamı, Rəssamlar İttifaqının üzvü Vaqif Nəzərli, Regional Sahibkarlığın Araşdırma Mərkəzinin sədri Hümbət Quliyev,  Sumqayıt Rəsm Qalereyasının direktoru, Rəssamlar İttifaqının üzvü Ellada Həsənova, Təhsil Şöbəsinin "Ekoloji Tərbiyə və Təcrübəçilik Mərkəzinin” direktoru Emilya Səfərəliyeva təqdim edib.

Məlumat üçün bildirək ki, "Pоtеnsial" Sumqayıt Mütəхəssislər Birliyi 1998-ci ildə yaradılmış, 27 may 2000-ci ildə müstəqil qеyri-hökumət təşkilatı kimi rəsmi dövlət qеydiyyatına alınmışdır. Birlik 1999-cu ildən beynəlxalq təşkilatlarla əməkdaşlığa başlamış və onların dəstəyi ilə Sumqayıt şəhəri və ölkənin digər regionlarında 41 layihə icra etmişdir.