Azərbaycanda böyük tarixi əhəmiyyət kəsb edən abidələr bərpa olunacaq. Onlardan bir qismi isə yalnız konservasiya yolu ilə artıq bu günkü vəziyyətdə saxlanılacaq. Mədəniyyət və turizm naziri Əbülfəs Qarayev deyib ki, bu abidələrin tezliklə bərpa olunması mümkünsüzdür. Əbülfəs Qarayev onu da əlavə edib ki, Coratda və Abşeronun digər kəndlərində yerləşən tarixi abidələrin bərpası və konservasiyası ilə bağlı layihələr işlənilir. Proqram təsdiq olunandan sonra müvafiq addımlar atılacaq. Xalqımızın malik olduğu zəngin mədəni irsin mühafizəsi, inkişaf etdirilməsi ölkəmizdə həyata keçirilən mədəniyyət siyasətinin əsas tərkib hissələrindəndir. Hal-hazırda Azərbaycanda 7000-ə qədər tarixi abidə var.
RAMİL ZEYNALLI
Xəbərdən istifadə edərkən istinad etmək vacibdir.
