Sumqayıt şəhər Mədəniyyət və Turizm idarəsinin Mətbuat xidmətindən Xeberle.com-a verilən xəbərə görə, Sumqayıt Dövlət Rəsm Qalereyasında Sumqayıt şəhər Mədəniyyət və Turizm idarəsinin, Sumqayıt Gənclər və İdman Baş İdarəsinin birgə dəstəyi ilə Dünya Azərbaycanlılarının Həmrəylik Günü və Yeni il bayramı münasibəti ilə "Gənclik və Həmrəylik” adlı gənc rəssamlar Paşa Hüseynov və Fəridə Quliyevanın fərdi sərgisi keçirilib.
Sərgini giriş sözü ilə Qalereyanın direktoru Ellada Həsənova açaraq qonaqları və gənc rəssamları qarşıdan gələn bayram münasibəti ilə təbrik edib, xoş arzularını çatdırıb.
Tədbirdə gənc rəssamlar Sumqayıt Gənclər və İdman Baş İdarəsi tərəfindən fəxri fərman və hədiyyələrlə təltif ediliblər.
Sonda "Dostluq” mədəniyyət evinin "Şahinlər” rəqs qrupunun ifasında Azərbaycan milli rəqsləri və özfəaliyyət kollektivi üzvlərinin ifasında musiqi nömrələri ifa olunub.
Xəbərdən istifadə edərkən istinad etmək vacibdir.
