Sumqayıt Regional Mədəniyyət və Turizm idarəsinin tabe müəssisələrində Xocalı faciəsinin 25 illiyi ilə əlaqədar silsilə tədbirlət davam edib.
Sumqayıt şəhər F. Əmirov və Q.Qarayev adına  uşaq musiqi məktəblərində keçirilən tədbirdə şagirdlərin ifasında muğam parçaları, şeirlər dinlənilib, faciəni əks etdirən videoçarxlar izlənilib, ədəbiyyatlar sərgilənib.
Corat Qəsəbə Mədəniyyət evində keçirilən tədbirdə 7 saylı orta məktəbin şagirdləri faciəni əks etdirən ədəbi-bədii kompozisiya ilə çıxış edib, xanəndə Vüqar Nəcəfzadənin ifasında muğam parçaları dinlənilib.
Şəhər Mədəniyyət Evində rəsm sərgisi, ədəbi-bədii kompozisya nümayiş olunub.
Qubadlı rayon F.Hüseynov adına Mahmudlu kənd Uşaq musiqi məktəbində də faciə qurbanları anılıb. Şagirdlərin ifasında vətənpərvərlik mövzusunda mahnı və şeirlər səslənib. Rayonun mədəniyyət evində Mahmudlu kənd mədəniyyət evi ilə birgə ədəbi-bəddi kompozisiya nümayiş olunub, video-çarx izlənilib. Tarix-diyarşünaslıq muzeyində keçirilən sərgidə rayon məktəblilərinin çəkdiyi rəsmlər, erməni vəhşiliklərini əks etdirən fotoşəkillər, o cümlədən rəssam Şirin Cəfərovun Xocalı soyqırımı ilə bağlı hazırladığı şəxsi sərgisi nümayiş olunub. 
Abşeron rayon Mədəniyyət Mərkəzində "Xocalı soyqırımını unutma” adlı foto sərgi, faciəni əks etdirən sənədli film və "Xocalı adında yurdum vardı” tamaşası nümayiş olunub.
Abşeron rayon MKS-nin 9 saylı Fatmayı kənd kitabxana filialında keçirilən tədbirdə kitab sərgisi təşkil olunub, kompozisiya göstərilib, vətənpərvərlik ruhunda  şeirləri səslənib.

Xəbərdən istifadə edərkən istinad etmək vacibdir.