Sumqayıt Regional Mədəniyyət və Turizm idarəsinin tabe müəssisələrində Novruz bayramı ilə əlaqədar silsilə tədbirlər keçirilib. Abşeron rayon Xırdalan şəhəri 11 illik musuqi məktəbində keçirilən bayram tədbirində məktəbin sazçalanlar, kanonçalanlar, nağaraçılar ansamblları, xanəndəlik sinfinin şagirdləri rəngarəng konsert proqramı ilə çıxış ediblər. Tədbir şəhər sakinləri tərəfindən maraqla qarşılanıb. Abşeron rayon Goradil kənd folklor klubunun özfəaliyyət kollektivinin təşkil etdiyi konsert proqramı kənd orta məktəbinin müəllim və şagird heyəti, o cümlədən, kənd sakinləri tərəfindən maraqla qarşılanıb. Tədbirdə özfəaliyyət kollektivinin ifasında xalq mahnıları və rəqsləri, ritmik musiqilər və səslənən folklor nümumələri tədbirə xoş ovqat qatıb.

Sumqayıtın uşaq incəsənət və musiqi məktəblərində də Novruz şənliyi keçirilib. Q.Qarayev adına uşaq musiqi məktəbində keçirilən tədbirdə müəllim və şagirdlərinin ifasında bahar təravətli musiqi nömrələri səslənib. Məktəbin xor kollektivinin ifasında "Bayram axşamlarında”, "Bahar gəlir”, "Novruz bayramı”, xanəndə şöbəsinin şagirdlərinin ifasında "Yaz gəldi”, "Səməni”, "Yurdumuza bahar gəlir” mahnıları səslənib. Bülbül adına Uşaq İncəsənət məktəbində keçirilən konsertdə şagirdlərin ifasında xalq mahnılari və Azərbaycan bəstəkarlarının əsərləri səslənib. Xüsusilə, fortepiano ixtisası üzrə VI sinif şagirdi Lamiyyə Əliyeva, tar ixtisası üzrə III sinif şagidi Həsənağa Abuşov və xanəndə Ruslan Əlizadənin, eləcə də, "Ümid" zəqs qrupunun çıxışları tamaşaçılar tərəfindən maraqla qarşılanıb. Sumqayıtın mədəniyyət evlərinin özfəaliyyət kollektivləri də şəhər sakinlərinin qarşısında konsert proqramı ilə çıxış ediblər. Şəhər Mədəniyyət Evinin qarşısında keçirilən "Novruz sevincləri" adlı bayram şənliyində "Xəzər ulduzlari" rəqs dərnəyinin və "Nice" rəqs qrupunun ifasında Azərbaycan və dünya xalqlarının rəqsləri, özfəaliyyət kollektivinin ifasında səslənən haxıştalar və şeirlər, qənc müqənillər Zaur Yusifli, Fidan Nagıyeva, Aqil Heydərli, İlkin Əlızadə və Kamil Aqazadənin ifasında bayram əhval- ruhiyyəli mahnılar tamaşaçıların marağına səbəb olub. "Dostluq" mədəniyyət evinin əməkdaşları bayram şənliyini "Novruz”un atributlatı- "Kosa”, "Kecəl” və "Bahar qiz”la birgə keçiriblər. Gənc müğənnilər Konul Huseynli, Nadir Camalzadə, Vusalə Əliyeva, Səbinə Quliyevanın ifasında xalq və bəstəkar mahnıları, "Şahinlər "rəqs qrupunun çıxışı bayram tədbirinə daha da xoş ovqat qatıb. C.Cabbarlı adına mədəniyyət evində keçirilən "Qədəmlərin mübarək" adlı Novruz şənliyində Sevinc Süleymanova, Ravil Əliyev, Pənah Məmmədovun ifasında səslənən mahnılar, "Turan" milli rəqs qrupunun nümayiş etdirdiyi rəqslər, aşıq Rahib Mikayılzadınin sazda ifa etdiyi aşıq musiqisi , Novruzun atributları olan Kosa, Keçəl və Bahar qızın söylədiyi təbriklər, şeirlər, eləcə də, ənzəli, dəsmalatdı, kasa-kasa xalq oyunları tədbir iştirakçıları tərəfindən maraqla qarşılanıb. Bayram münasibətilə 4 saylı Diyarşünaslıq klubunun rəsm və toxuculuq kursunun üzvlərinin "Novruz gəlir, yaz gəlir" adlı əl işlərindən ibarət sərgisi kecirilib. Sərgidə Novruz lövhələri canlandırılıb, Novruz atributlarından ibarət əl işləri nümayiş olunub. Qeyd edək ki, Novruz bayramı ilə əlaqədar su, od, yel və torpaq çərşənbələrində də mədəniyyət müəssisələrində tədbirlər keçirilib. Su çərşənbəsində Zəngilan rayon mədəniyyət evləri və musiqi məktəblərinin, od çərşənbəsində Abşeron rayon mədəniyyəıt evləri və musiqi məktəblərinin kollektivləri geniş konsert proqramı ilə çıxış ediblər.

16.03.2017 –ci il tarixində Abşeron rayon Görədil kəndində yerləşən tam orta məktəbində Məktəb rəhbərliyinin və Görədil kənd folklor klubunun müdiri Qulamov Tariverdi, (musiqi hissəsinin bədii rəhbəri) və Mədəni kütləvi təşkilatçı olan İbrahimova Günel xanımın təşkilatçılığı ilə Novruz bayramı şənliyi keçirildi. Bayram şənliyini məktəbin müəllimələri Nağıyeva Nərgiz və Heydərova İlahə hazırlamışdırlar. İlk olaraq məktəbin həyətində baş tutan Novruz şənliyində Azərbaycan himni səsləndi. Sonra "Novruz” şənliyinin aparıcıları bayram şənliyini açıq elan etdi. Aparıcılar qeyd etdilər ki, bu gün ilıq nəfəsli, gözəl ətirli yazın gəlişini bayram edirik. Yazda təbiət canlanır. Gecə ilə gündz bərabərləşir, torpaq isinir. Bəzi heyvanlar qış yuxusundan ayılır. Tədbirə Bahar qızı gəlir. O tədbir iştirakçılarını salamlayır və bayramlarını təbrik edir. Sonra səhnəyə Keçəl gəlir. Öz gəlişiylə və məzəli sözləriylə tədbir iştirakçılarını güldürür. Sonra Kosanı səsləyir. Kosa gətirdiyi bayram sovqatını balaca məktəblilərə paylayır. Keçəl və Kosa şagirdləri başlarına yığaraq şeirlər, mahnılar söyləyib, rəqs etdilər, tədbir iştirakçılarına bayram sovqatı payladılar. Şagirdlərdən Quliyeva Ayşə "Yurdumuza yaz gəlir” və "Novruz bayramınız mübarək olsun” mahnılarını səsləndirdi. Rzayev Kamran və Əlizadə Səbuhinin ifasında nağarada Azərbaycan ritmləri ifa olundu. Məmmədov Asiman Azərbaycan milli aləti olan Sazda ifa etdilər. Sonra qızlardan ibarət rəqslər ifa olunur. Vətənə aid şeirlər söylənilir. Bahar səhnəcikləri göstərildi. Arzu olundu ki, Azərbaycanda sülh olsun, torpaqlarımüz geri qaytarılsın. Vətənimizin insanları şən yaşasınlar, Novruzda qüssə-qəmləri yox olsun, sevgi dolu, nur dolu novruzu sevinclə qarşılasınlar, qoy bu bahar yaz boyu günəş saçsın. Sonda məktəbin direktoru Heydərova Rəmziyyəa çıxış edərək bütün tədbir iştirakçılarının bayramını təbrik etdi, onlara həyatda can sağlığı arzuladı. Tədbirin hazırlanmasında əməyi olan lara öz təşəkkürünü bildirərək Tədbir iştirakçılarını tonqal ətrafında "Yallı” rəqsi etməyə dəvət etdi.