Sumqayıtda məktəblilər arasında mədəniyyət və musiqi festivalı təşkil olunub. Sumqayıt Şəhər İcra Hakimiyyəti, Sumqayıt Regional Mədəniyyət və Turizm idarəsi, Sumqayıt şəhər Təhsil Şöbəsi və Sumqayıt Dünya Məktəbi tərəfindən keçirilən yarışda gənclər bədii qiraət, vokal, xanəndə, gitara, saz, tar, rəsm, skripka və piano üzrə bacarıqlarını nümayiş etdiriblər. 3 ay davam edən yarışa 50 məktəbdən 1000-dən artıq iştirakçı qoşulub. Sumqayıt Dövlət Dram Teatrında turnirin final mərhələsi və qaliblərin mükafatlandırılması mərasimi keçirilib. Sumqayıtlı şəhər 14 saylı orta məktəbin 11-ci sinif şagirdi, gənc gitaraçı Murad Haqverdiyev 130 ifaçı sırasında 1-ci olub. Qeyd edək ki, qaliblərə hədiyyələr və diplomlar təqdim olunub.

 

 

 

Xəbərdən istifadə edərkən istinad etmək vacibdir.