Oxu zalında istirahət otağı var, həmin otaqda oxucuların dincəlməsi üçün rahat şərait yaradılıb.
Azərbaycan Milli Elmlər Akademiyasının (AMEA) Mərkəzi Elmi Kitabxanasının təməli 1924-cü ildə qoyulub. Kitabxananın hazırkı yeni binası isə 2015-ci ilin sentyabrında oxucuların istifadəsinə verilib. Mərkəzi Elmi Kitabxanada dünyanın bütün dillərində olmaqla, 1,5 milyon sənəd mühafizə olunur.
Xeberle.com xəbər verir ki, Report-un əməkdaşları Azərbaycanda ən qədim kitabların saxlanıldığı kitabxana ilə yaxından tanış olublar.
Kitabxananın yeni, müasir binası 6 mərtəbədən ibarətdir. Kitabxana 14 zaldan, fondlardan ibarətdir.
Hər gün 300-400-ə yaxın oxucunun ziyarət etdiyi kitabxanaya daxil olan kimi ilk olaraq binanın müasirliyi diqqətimizi çəkdi.
Kitabxanada AMEA-nın magistrləri, Qarabağ əlilləri, onların və Qarabağ şəhidlərinin ailə üzvləri, o cümlədən digər əlillik kateqoriyasına daxil olan şəxslər, yaşı 75-dən yuxarı olan şəxslər üçün oxucu kartları ödənişsizdir. AMEA-nın əməkdaşları üçün kartlar illik 5 AZN, digər kateqoriyaya aid adamlar üçün isə üzvlük haqqı aylıq 10, illik 100 manatdır.
Xəbərdən istifadə edərkən istinad etmək vacibdir.
