Bu gün Xaçmazda II Beynəlxalq dolma festivalı keçirilir. Festivala 12 xarici ölkədən və Azərbaycanın 50-yə yaxın rayonundan 500-dən çox iştirakçı qatılacaq.
Xeberle.com AZƏRTAC-a istinadən xəbər verir ki, Mədəniyyət və Turizm Nazirliyi, Xaçmaz Rayon İcra Hakimiyyəti, Azərbaycan Milli Kulinariya Mərkəzi və Azərbaycan Milli Kulinariya Assosiasiyasının birgə təşkil etdiyi festivalda bölgələrimizdə, eləcə də dünyanın bir sıra ölkələrində müxtəlif çeşiddə bişirilən 300 növdə dolma sərgilənəcək.
Festival Xaçmaz şəhərindəki Çənlibel parkında baş tutacaq.
Festival çərçivəsində, həmçinin xalq yaradıcılığı nümunələrinin sərgisi də təşkil olunacaq.
Qeyd edək ki, I Beynəlxalq dolma festivalı 2016-cı il iyulun 1-də Abşeron rayonunda keçirilib.
Xəbərdən istifadə edərkən istinad etmək vacibdir.
