Sumqayıt şəhər 28 nömrəli orta məktəbdə 28 May Respublika gününə həsr olunmuş "Yurdumdur Azərbaycan" adlı tədbir keçirilib.
Tədbir Azərbycan Respublikasının Dövlət himninin səslənməsi ilə başlayıb.
Məktəbin direktoru Mehdi Ağayevə çıxış edərək cəmi 23 ay ömur sürən Azərbycan Cümhuriyyətinin kecdiyi keşməkeşli yollardan, danışıb və qeyd edib ki, uzun illərdən sonra Azərbaycan xalqı öz müstəqilliyini yenidən qazanıb: "Bunun hamısı ulu öndər Heydər Əliyevin yürütdüyü ağıllı və uzaqgörən siyasətin nəticəsində olub. İndi xalqımız bu yolda onun davamçısı Prezident İlham Əliyevin rəhbərliyi ilə addımlayır."
Sonra məktəbin şagirdlərinin ifasında Azərbaycana, müstəqilliyimizə həsr olunmuş şeirlər səslənib. Tədbirdə məktəbin 1a sinfi öz yaradıcılıq qabuluyyəti ilə digər həmyaşıdlarından fərqləniblər.
Birincilər əvvəlcə erməni tapdağı altında qalan kəndlərimizə həsr etdikləri "O kənd" mahnısını xor şəklində böyük yanğıyla ifa ediblər. Daha sonra "Qələbə" şeirini söyləyərək bir gün o torpaqlara qayıdacağımızı xüsusi vurğulayıblar. Şagirdlərin ifasında səslənən "Əsgər anası" kompozisiyasi isə hər kəsi duyğulandırıb.
Gitarada həzin səslə müşayətlə balacalarin ifasında "Cənab Leytenant" mahnisi səslənib.
"Can Azərbaycan" mahnısının sədaları altında məktəblilər Azərbaycanın bayrağını, gerbini və xəritəsini güllər vasitəsilə təsvir ediblər.
Sonda tədbirdə iştirak edən Sumqayıt Şəhər Təhsil Şöbəsinin nümayəndəsi Əlhəddin Paşayev söz alaraq, bu günün ölkəmiz üçün əhəmiyyətindən danışıb.
Bu tədbirin məktəblilərin yaddaşında hələ uzun müddət yaşayacağını qeyd edib.
O, balacalarda oyatdığı bu vətənpərvərlik ruhuna görə 1a sinfinin rəhbəri Sevinc müəlliməyə xüsusi minnətdarlığını bildirib.
Tədbir Azərbaycan Xalq Cümhuriyyətinin yaradıcısı M.Ə.Rəsulzadənin Azərbaycan Cümhuriyyəti haqqındakı fikirlərinin yer aldığı səs yazısının dinlənilməsi ilə yekunlaşıb.
Xəbərdən istifadə edərkən istinad etmək vacibdir.