Bu günlərdə Danimarkanın Hillerod şəhərində hər il olduğu kimi ənənəvi Mədəniyyət Günləri çərçivəsində Azərbaycanın xalq musiqiləri ifa olunub.
Bu barədə Kult.az-a diaspor üzrə araşdırmaçı jurnalist Elnur Eltürk məlumat verib.
Danimarka-Azərbaycan Dostluq Cəmiyyəti Mədəniyyət Mərkəzinin rəhbəri Kəmalə Hüseynova Lars Bonun rəhbərlik etdiyi musiqi ansamblı ilə Azərbaycan mahnılarından ibarət konsert verib.
Şəhərin hər yerində - kitabxanalar, muzeylər, əsas mərkəzi meydanda, "Kedehuset” və "Klaverfabrikken” mədəniyyət-musiqi salonlarında pop, rep, caz, xalq musiqisi ifa olunub.
”Güləbatın”, ”Ay Dilbər”,”Muleyli”, "Qubanın ağ alması”, ”Aman Ovçu”, "Sarı Gəlin” və s. mahnılar alqışlarla qarşılanıb. Mərkəz sədri qonaqlara mahnılarımızın məzmunu, Azərbaycanın tarixi, mədəniyyəti haqqında ətraflı məlumat verib.
Xəbərdən istifadə edərkən istinad etmək vacibdir.
