“Rövşən Almuradlıya edilən haqsızlıqlar əsassızdır”.Bu fikri tanınmış jurnalist və professor Qulu Məhərrəmli son günlər mediyanın gündəmində olan rejissor Rövşən Almuradlıya qarşı edilən haqsızlıqlara münasibət bildirərkən söyləyib.Uzun illər Aztv-də işləmiş Qulu müəllim Rövşən Almuradlı ilə xeyli layihələrə imza atdığını bildirib.” Onunla birlikdə sənədli televiziya filmləri çəkmişik.Rövşən bəyin Azərbaycan dastanları,folkuloru haqqında  televiziya filmləri var.Onunla birlikdə “Qobustan” sənədli filmini işləmişik.Həmçinin hazırladığı tamaşalara resenziyalar yazmışam.Onunla işləmək sözün əsl mənasında böyük zövqdür,çünki öz işinin vurğunudur.Rövşən bəy həm kino,həm teatr,həm də televiziya sahəsində böyük uğurlara imza atıb.İndi hər üç sahədə belə uğurlu iş ortaya çıxarmış rejissorlar  barmaqla sayılacaq qədər qalıb.Bilirsiniz indi belə istedadlı rejissorların qədrini bilmək,dəstək olmaq və yeni əsərlər yaratması üçün şərait yaratmaq lazımdır.Ümumiyyətlə sənətkarı siyası mövqeyinə görə yox məhz onun işinə görə dəyərləndirmək lazımdır.Füzuli,Nəsimi və yaxud da Nizami bizim yadımızda öz siyasi mənsubiyyəti ilə yox yaratdıqları əsərlərlə qalıb.Rövşən bəyin bu məna da məhz yaradıcı fəaliyyəti ön planda tutulmalıdır.Ona şərait yaradılmalıdır ki,teatr onunzəngin təcrübəsindən yararlansın.Gənc rejissorlar isə belə təcrübəli rejissordan bəhrələnsin.Mən hesab edirəm ki, ona qarşı edilən bu əsassız addımlar dərhal dayandırılmalıdır.

Qeyd edək ki, son günlər mediyada Mədəniyyət və Turizm nazirliyinin rejissor Rövşən Almuradlıya qarşı tutduğu haqsız mövqe müzakirələrə səbəb olub.Bununla bağlı ölkənin bir neçə tanınmış ziyalısı və incəsənət adamları nazirliyə öz etirazını bildirib.

Həcər