Mayın 10-da Cəfər Cabbarlı adına “Azərbaycanfilm” kinostudiyası yeni bədii filmin çəkilişlərinə start verib.
“Axar.az” xəbər verir ki, “Azərbaycanfilm” kinostudiyasının çəkdiyi “Əsgərin şücaəti” 2014-cü ilin ilk filmi olacaq.
Ekran əsərinin rejissoru “Əlavə təsir” və “Dolu” filmlərindən sonra daha da məşhurlaşan rejissor Elxan Cəfərov, ssenari müəllifləri Yuri Vorobyov və Yavər Rzayevdir.
“Əsgərin şücaəti” filminin çəkilişləri Belarusun Brest şəhərində start götürüb. Filmdə Almaniya və Rusiyanın tanınmış aktyorları ilə yanaşı, Pantomim Teatrının aktyoru, “Çölçü” filmi ilə tanınan Bəhruz Vaqifoğlu da rol alıb.
Xəbərdən istifadə edərkən istinad etmək vacibdir.
