Xeberle.com əməkdar artist Ehtiram Hüseynovla olan müsahibəni təqdim edir.

- Sizə bundan sonra əməkdar artist kimi müraciət olunacaq. Bu, sizə qəribə gəlirmi?

- Bu, üzərimizə daha çox məsuliyyət qoyur ki, bundan sonra olan fəaliyyətimizdə çalışıb bu adı doğruldaq. Şərəfli adın haqqını vermək lazımdır.

- Sumqayıtla sizi nə bağlayır?

- Sumqayıtla bağlı ən yaddaqalan xatirələriniz hansıdır?

- Sumqayıt demək olar ki, hər həftə dəyişir. Sumqayıtda dostlarımla birgə ən çox getdiyim yer bulvardır. Ora həqiqətən də möhtəşəmdir. Dünyada analoqu olmayan bulvar bu şəhərdədir və insanları özünə cəlb edir.

- Sumqayıtda bulvardan başqa haralarda olmusunuz?

- Dediyim kimi, ən çox gəldiyim yer musiqi kollecidir. Sözün düzü, hamısını adla deyə bilmərəm. Dram teatrında konsert və tədbirlərdə çox olmuşam. Kimyaçılar sarayı da yenidən istifadəyə verilib və 2018-ci il üçün konsert keçirilməsini planlaşdırırıq.

- Sizin əməkdar artist adı almağınız Sumqayıtdan oldu. Ola bilərmi ki, Bakıdan köçüb bura gələsiniz?

- İnşallah, qismət. Hər şey ola bilər.

- Sumqayıtlı sənətkarlardan kimlərlə dostluq edirsiniz?

- Ədalət Şükürovla, Eltonla və bir çoxu ilə yaxşı münasibətim var.

- Onlardan sizə zəng edib təbrik edən oldumu?

- Əlbəttə. Namiq Məna, Maestro Ceyhun ilk zəng edənlərdən idi. Həmin an o qədər həyəcanlı idim ki, düzü, çoxu yadımda qalmayıb.

- Son olaraq nə demək istərdiniz?

- Özüm və ailəmiz adından bir daha bu şərəfli ad üçün prezidentə təşəkkür edirik. Çox sağ olsun ki, bizim kiçik əməyimizə belə böyük qiymət verdi.

Hicranə İsmayılova

Xeberle.com