Nizami Gəncəvi adına Kitabxana klubda baş tutan tədbiri giriş sözü ilə AYB Sumqayıt bölməsinin sədri, şairə Gülnarə Cəmaləddin açaraq şair haqqında oxuculara geniş məlumat verib.

Sonra kitabxananın fəal oxucuları Qiyas Həmidin şeirlərindən nümunələr söyləyib, şairin qələm dostları: Görkəmli tənqidçi Vaqif Yusifli, İbrahim İlyaslı, Rafiq Oday, Süleyman Hüseynov, Məmməd Namaz, Sabir Yusifoğlu, Zakir Zahir, Ələsgər Həsənli və digərləri Qiyas Həmidlə bağlı xatirələrinibölüşüblər.

Daha sonra şairin həyat və yaradıcılığını əks etdirən "Sumaqayıt-Taleyimin şəhəri” başlıqlı sərgidən xülası verilib, həyat yolunu əks etdirən videoçarx izlənilib.

Sonda Kitabxana Klubun müdiri Zərnigar Babayeva çıxış edərək tədbir iştirakçılarına təşəkkürünü bildirib.