Sumqayıt şəhər Bülbül adına Uşaq İncəsənət məktəbində Sumqayıt şəhər Mərkəzi Kitabxananın incəsənət şöbəsinin birgə layihəsi ilə Azərbaycanın görkəmli bəstəkarı Qara Qarayevin 100 illik yubileyinə həsr olunmuş tədbir keçirilib.
Tədbirdə məktəbin rəsm şöbəsi şagirdlərinin əl işlərindən ibarət bəstəkarin əsərlərinə çəkilmiş illüstrasiyaları, kitab və klavirləri sərgilənib. Musiqi bölümündə isə Q.Qarayevin əsərləri geniş proqramla şagird və müəllimlərin ifasında səslənib.
Proqramda əsasən bəstəkarın fortepiano üçün yazılan bir neçə "prelüd” və "marşları”, "İldırımlı yollarla " baletindən rəqs, "Don Kixot” simfonik qravürlərindən "Səyahət”, Kino filmlərə yazılan musiqiləri tamaşaçılar tərəfindən maraqla dinlənilib.
Xüsusilə də şagirdlərdən Əliyeva Lamiyə, Maqsudova Buta, Alməmmədli Rəvan, Mirzəyeva Nərmin və Rzayev Hüseynin, müəllimlərdən Tağıyev Ruslan və Mehdiyev Fəridin ifaları alqışlanıb.
Xəbərdən istifadə edərkən istinad etmək vacibdir.
