Sumqayıt
şəhər Heydər Əliyev Mərkəzində Sumqayıt Regional Mədəniyyət idarəsinin
müşavirəsi keçirilib.
Sumqayıt Regional
Mədəniyyət İdarəsinin Mətbuat xidmətindən Xeberle.com-a verilən məlumata görə müşavirədə
mədəniyyət müəssisələrinin rəhbərləri, nümayəndəliklər üzrə baş məsləhətçilər,
idarənin aparıcı məsləhətçiləri iştirak edib. Sumqayıt Regional Mədəniyyət
idarəsinin rəisi Mehman Şükürov müşavirədə çıxış edib.
O,
Azərbaycan Respublikasının prezidenti cənab İlham Əliyevin imzaladığı son
sərəncamlar əsasında aparılan struktur dəyişikliklər haqqında geniş məlumat
verib, idarənin strukturundakı yeni kadr təyinatları haqqında danışıb, onları
kollektivə təqdim edib.
Mehman
Şükürov həmçinin mədəniyyət müəssisələrini əhatə edən problemlər, görüləcək
işlər haqqında geniş məruzə edib.
Birinci
rübün yekunları və qazanılan uğurlarla bağlı kollektivə təşəkkür edən idarə
rəisi bildirib ki, bu uğurlar sizlərdə arxayınlıq hissi yaratmamalı, daha da
əzmlə çalışmalısınız.
O, həmçinin, mədəni-kütləvi tədbirlərin
keçirilməsi, işə davamiyyət, müəssisələrdə aparılan reydin nəticələri, ödənişli
şərtlərlə mədəni xidmətin göstərilməsi
qaydaları, inventarlaşdırma işlərinin aparılması Ümummilli lider Heydər
Əliyevin 95, Azərbaycan Xalq Cümhuriyyətinin 100 illiyi ilə bağlı Xalq Çalğı
Alətləri Orkestri və Xor kollektivinin konserti ilə bağlı hazırlıq işlərindən
danışıb, müvafiq tapşırıqlar verib.
Daha sonra
çıxış edən Sumqayıt Regional Mədəniyyət idarəsinin rəis müavini İlham Əhmədov
çıxış edərək ona göstərilən etimada görə təşəkkürünü bildirib. İlham Əhmədov və
Ceyran Axundova sənədləşdirmə işləri ilə bağlı problemlərə toxunaraq həlli
yollarını təklif ediblər.
Daha sonra
müəssisə rəhbərlərinin fikirləri dinlənilib.
Xəbərdən istifadə edərkən istinad etmək vacibdir.
