Sumqayıt şəhər 31 saylı orta məktəbin aşağı sinif şagirdlərinə uşaqlarda yüksək ekoloji mədəniyyətinin və sağlam həyat tərzinin formalaşdırılmasına xidmət edən fakultativ məşgələ keçirildi Potensial Sumqayıt Mütəxəssislər Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi "Sumqayıt şəhər orta ümumtəhsil məktəblərində "ətraf mühitin uşaqların sağlamlığında rolu” mövzusunda tədbirlərin təşkili” layihəsi çərçivəsində ekoloji təhsil və maarifləndirmə ilə bağlı "Fakultativ məşğələ” təşkil olunub.

Qeyd edək ki, bu layihənin əsas məqsədi ekoloji vəziyyəti cox da yaxşı olmayan Sumqayıt şəhər orta ümümtəhsil məktəblərinin aşağı sinif şagirdlərində yüksək ekoloji mədəniyyətin və sağlam həyat tərzinin formalaşmasına xidmət edən maarifləndirmə işinin təşkilidir. Layıhə çərçivəsində uşaqlarda təbiət hadisələrinə düzgün baxışlar formalaşdırmaq, uşaq qəlbində təbiətə sevgi hissləri oyatmaq, təbiət nemətlərindən düzgün və səmərəli istifadə etmək gələcəkdə bir cox ekoloji və ətraf mühit problemlərin həllinə və nəticədə gələcəyimiz olan uşaqların sağlamlığının qorunmasına gətirib çıxaracaq bir sıra marifləndirmə tədbirlərinin həyata kecirilməsi nəzərdə tutulub. Layihə çərçivəsində ilk ekoloji təhsil və maarifləndirmə ilə bağlı "Fakultativ məşğələ” iyun ayının 04-də Sumqayıt şəhər 31 saylı orta məktəbində təşkil edildi. "Fakultativ məşğələ” Birliyin təlimçisi Rauf Əliyev tərəfindən aparılıb. Məktəbin aşağı sinif şagirdlərindən 25 nəfər tədbirdə iştirak edib. Aparılan "Fakultativ məşğələ”də ətraf mühit haqqında bilik və bacarıqların artırılması, gənc nəsildə ekoloji düşüncənin və ekoloji mədəniyyətin formalaşması, ətraf mühitin öyrənilməsi və mühafizəsi, ətraf mühitin uşaqların sağlamlıqda rolu, gənclərin ətraf mühitin mənfi təsirlərindən qorunması və s kimi məsələlər müzakirə olunub. Ekoloji təhsil və maarifləndirmə ilə bağlı keçirilən fakultativ məşğələ iştirakçıların böyük marağına səbəb olub. İnteraktiv metodla keçiririlən "Fakultativ məşğələ”də hər bir iştirakçı müzakirələrdə fəal iştirak edərək ekoloji biliyini, düşüncələrini və rəylərini sərbəst ifadə edirdilər. Hər bir iştirakçını maraqlandıran suallara dolğun cavab verilirdi.