Sumqayıt Regional Mədəniyyət İdarəsinin
Abşeron rayon Xırdalan şəhər 11 illik musiqi məktəbinin kollektivi məktəbin direktoru əməkdar müəllim İkram Manafovun rəhbərliyi altında
Gürcüstanda səfərdə olub.
Belə
ki, Azərbaycan Respublikası Mədəniyyət Nazirliyinin maliyyə dəstəyi, Gürcüstandakı M.F.Axundzadə adına Azərbaycan
Mədəniyyəti Muzeyi və Mərkəzinin dəvəti ilə Abşeron rayon Xırdalan şəhər 11 illik
musiqi məktəbinin kollektivi "Novruz”
bayramına həsr olunmuş silsilə tədbirlərdə iştirak edib.
Azərbaycanın
Gürcüstandakı səfirliyinin rəsmiləri – Fəxri Hacıyev, Vüqar Mustafayev, Tbilisi
şəhərinin merinin müavini İlya Eloşvili, Tbilisi sakrebulosunun sədri Georgi
Txemaladze və digər qonaqların iştirak etdikləri silsilə tədbirlər rəsmi
çıxışlar və təbriklərdən sonra, açıq səma altında konsert proqramları ilə davam
edib.
Konsertdə
məktəbin xalq çalğı alətləri, nağaraçılar ansamblları, xanəndəlik sinfinin
müəllim və şagirdləri, rəqs kollektivinin ifaları dinləyicilər tərəfindən
maraqla dinlənilərək, alqışlarla qarşılanıb.
Xəbərdən istifadə edərkən istinad etmək vacibdir.
