Sumqayıt Regional Mədəniyyət İdarəsinin dəstəyi ilə mədəniyyət
müəssisələrində İmadəddin Nəsiminin anadan olmasının 650 illiyinə həsr olunmuş
tədbirlər keçirilib.
Sumqayıtın Tarixi Muzeyində keçirilən tədbiri giriş sözü ilə muzeyin kütləvi – ekspozisiya şöbəsinin müdiri Sevinc
Əmirova açıb, dahi şairin həyatı və yaradıcılğı haqqında geniş məlumat
verib. Sonra mövzu ilə əlaqədar məruzələr
dinlənilib. Daha sonra 27 saylı tam orta məktəbin şagirdi Roza Xəlilova
Nəsiminin qəzəllərini söyləyib. Sonra Uşaq və Gənclər Yaradıcılıq Mərkəzinin
bədii rəhbəri Abbasxan Abbaszadənin Nəsiminin qəzəllərindən ibarət hazırladğı
kompozisiya tədbir iştirakçılarına təqdim olunub.
Nizami Gəncəvi adına Kitabxana Klubda "Dünyanı
sözlə bəzəyən həqiqət aşiqi” adlı ədəbi-bədii gecə keçirilib. Tədbir "Cığır”
mənəvi dəyərlərin inkişafına dəstək içtimai birliyinin üzvləri ilə birlikdə
hazırlanıb. Əvvəlcə Nizami Gəncəvi adına Kitabxana Klubun müdiri Zərnigar
Babayeva tədbir haqqında oxuculara məlumat verib. Sonra oxucular Nəsimin
qəzəllərindən nümunələr söyləyıb, "Nəsimi” filmindən fraqmenti canlandırıblar.
Sonra Nəsimi haqqında videoçarx nümayiş olunub, "Cahana sığmayan şair” adlı
kitab sərgisi haqqında xülasəsini verilib.
Xəbərdən istifadə edərkən istinad etmək vacibdir.
