Sumqayıt Dövlət Musiqili Dram Teatrı,teatrın aktrisası,Respublikanın əməkdar artisti Növrəstə Həşimovanın 60 illik yubileyi ilə əlaqədar olaraq benifist tamaşa oynamağa hazırlaşır. 41 illik sənət fəaliyyəti dövründə Növrəstə xanım 50-dən çox tamaşada rol alıb.Onlardan C.Cabbarlı "Solğun çiçəklər” – Sara,Ü.Hacıbəyov "Arşın mal alan” – Telli,İ.Məlikzadə "Subaylarınızdan görəsiniz” – Gülxanım, M.İbrahimov "Yaxşı adam”- Sənəm, M.Haqverdiyev "Fədakarlıq” – Zema,Əziz nesin "Öldür məni can ciyər” tamaşalarını göstərmək olar.Aktrisanın 60 illik yubileyi ilə əlaqədar olaraq Sumqayıt teatrında Əziz Nesinin "Öldür məni canciyər” əsəri əsasında Firudin Məhərrəmovun quruluş verdiyi tamaşa 27 noyabr saat 18.00-da göstəriləcək.Tamaşada həmçinin Respublikanın əməkdar artisti İlahə Səfərova və Mətləb Səfərli rol alıb.