Kollektivin 10 illik yubileyi münasibətilə baş tutan konsertdə Azərbaycan, Rus və Dünya estrada mahnıları ifa edilib.

Kollektivin solistləri Əsmər Nəcəfova və Taleh Rəsulovun ifa etdikləri bir-birindən maraqlı mahnılar tədbir iştirakçılarına mənəvi istirahət bəxş edib. Tədbirdə Rusiya səfirlinin nümayəndələri, ziyalılar və estrada musiqisi həvəskarları iştirak edib.

Qeyd edək ki, Artıq üç ilə yaxındır Sumqayıt şəhər "Dostluq” mədəniyyət evi Rusiya səfirliyi ilə əməkdaşlıq edir, Azərbaycan və Rusiya xalqları arasında dostluq və mədəni əlaqələrin genişləndirmək məqsədilə birgə işlər aparırlar.

"Dostluq” mədəniyyət evində fəaliyyət göstərən "Səmt” və "Start” estrada kollektivləri dəfələrlə Rusiya səfirliyində və Rusiya Mədəniyyət və İnformasiya Mərkəzindəmütəmadi olaraq maraqlı konsert proqramları ilə çıxış edirlər.