Opera müğənnisi Eldar Əliyevin nəşinin Azərbaycana gətirilməsi istiqamətində iş aparılır.
Mədəniyyət Nazirliyindən Xeberle.com-a bildirilib ki, bununla bağlı Dövlət Miqrasiya Xidmətinə müraciət olunub.
"Onun nəşinin vətənə gətirilməsi üçün şəxsi pasport məlumatlarına ehtiyac var. O, sonuncu dəfə 2000-ci ildə pasport alıb. Arxiv məlumatlarını əldə etdikdən sonra müvafiq sənədlər toplanılaraq İtaliyanın Azərbaycandakı səfirliyinə müraciət olunacaq”, - deyə məlumatda vurğulanıb.
Qeyd edək ki, İtaliyada çalışan opera müğənnisi Eldar Əliyev avqustun 4-də Milan şəhərində vəfat edib.
Xəbərdən istifadə edərkən istinad etmək vacibdir.
