Vətən müharibəsinin şəhidləri hər bir Azərbaycan vətəndaşının qəlbində əbədi yaşayacaq. Vətənin, xalqın yolunda şüurlu şəkildə öz canlarından keçən şəxslər, ən müqəddəs və ən ali zirvə olan şəhidlik məqamına ucalanlardır.
Belə insanlar qəlblərində vətən, torpaq sevgisi yaşatdıqları üçün bu mərtəbəyə ucalıblar. Vətənimizin hər qarış torpağı üçün canından keçən qeyrətli oğullarımız, qızlarımız kimi.
Sumqayıt Regional Mədəniyyət İdarəsinin kollektivi İkinci Qarabağ müharibəsinin qəhrəmanı şəhid Şirbala Hüseynovun ailəsini yenidən ziyarət edib.
Şəhidin ailəsi ilə birlikdə Hüseynbalanı bir daha yad ediblər. Valideynləri bu haqq savaşında övladlarınında payı olması ilə fəxr etdiklərini söyləyiblər.
Ş.Hüseynov Füzuli və Cəbrayıl istiqamətlərində gedən döyüşlərdə böyük qəhrəmanlıq göstərərək oktyabr ayının 1-i Şəhidlik zirvəsinə yüksəlib.
İndi Şirbala kimi oğulların sayəsində bayrağımız əzəmətlə dalğalanır, Vətənimiz artıq azaddır.
Allah Şəhidlərimizə rəhmət eləsin!
Xəbərdən istifadə edərkən istinad etmək vacibdir.
